នារសៀលថ្ងៃអង្គារ ១២រោច ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១២ ខែកញ្ញា ឆ្នាំ២០២៣
ឧត្តមសេនីយ៍ទោ កុសល សុវណ្ណវិសាល នាយក នាយកដ្ឋានបញ្ជូនសារ ក្រសួងការពារជាតិ បានអញ្ជើញដឹកនាំនាយករងនាយកដ្ឋានបញ្ជូនសារ នាយកមជ្ឈមណ្ឌលហ្វឹកហ្វឺននិងជួសជុលបញ្ជូនសារ ព្រមទាំងនាយការិយាល័យមួយចំនួននៃនាយកដ្ឋានបញ្ជូនសារ ចូលរួមក្នុងពិធីជួបសំណេះសំណាលនិងធ្វើបទបង្ហាញស្ដីពីជំនាញបញ្ជូនសារនៃកងយោធពលខេមរភូមិន្ទ ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ យន្ត មីន រដ្ឋលេខាធិការ ក្រសួងការពារជាតិ និងជាប្រធានជួយរដ្ឋមន្រ្តីលើការងារនាយកដ្ឋានបញ្ជូនសារ ដែលប្រព្រឹត្តទៅនៅបន្ទប់ចំប៉ា ទីស្ដីការក្រសួងការពារជាតិ។
