នារសៀលថ្ងៃព្រហស្បតិ៍ ២កើត ខែពិសាខ ឆ្នាំជូត ទោស័ក ព.ស ២៥៦៣ ត្រូវនឹងថ្ងៃទី២៣ ខែមេសា ឆ្នាំ២០២០
លោក ឧត្តមសេនីយ៍ទោ បេង សុត្ថារិទ្ធ នាយករង នាយកដ្ឋានបញ្ជូនសារ ក្រសួងការពារជាតិ និងជាអនុប្រធានក្រុមការងារ ទទួលនិងគ្រប់គ្រងសិក្ខាកាមបញ្ជប់វគ្គសិក្សា ពីសាធារណៈរដ្ឋសង្គមនិយមវៀតណាម តំណាងដ៍ខ្ពង់ខ្ពស់ លោក ឧត្តមសេនីយ៍ទោ កុសល សុវណ្ណវិសាល នាយក នាយកដ្ឋានបញ្ជូនសារ ក្រសួងការពារជាតិ បានអញ្ជើញចូលរួមចុះត្រួតពិនិត្យទីតាំង សម្រាប់ចត្តាឡីស័កសិក្ខាកាមយោធាបញ្ចប់វគ្គសិក្សា មកពីសាធារណៈរដ្ឋសង្គមនិយមវៀតណាម នាពេលខាងមុខ ក្នុងវិធានការទប់ស្កាត់ជំងឺឆ្លងកូវីដ១៩ ដឹកនាំដោយ លោក ឧត្ដមសេនីយ៍ឯក ខៀវ សាផាត នាយករង នាយកដ្ឋានបុគ្គលិក និងជាប្រធានក្រុមការងារ នៅមជ្ឈមណ្ឌលហ្វឹកហ្វឺន និងជួសជុលបញ្ជូនសារ នាយកដ្ឋានបញ្ជូនសារ ក្រសួងការពារជាតិ។
