នាព្រឹកថ្ងៃចន្ទ ៤រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៩ ខែសីហា ឆ្នាំ២០១៩
ដោយមានការគិតគូរនិងយកចិត្ដទុកដាក់ខ្ពស់ពីសំណាក់ ឯកឧត្ដម ឧត្តមសេនីយ៍ទោ កុសល សុវណ្ណវិសាល នាយក នាយកដ្ឋានបញ្ជូនសារ ក្រសួងការពារជាតិ លើបញ្ហាសុខភាពរបស់នាយទាហាន នាយទាហានរង និងពលទាហានទាំងអស់ចំណុះឲ្យមជ្ឈមណ្ឌលហ្វឹកហ្វឺនជួសជុលបញ្ជូនសារ និងនាយកដ្ឋានបញ្ជូនសារ ក្រសួងការពារជាតិ ឯកឧត្ដមនាយក បានអញ្ជើញដឹកនាំ នាយទាហានជាន់ខ្ពស់ នាយទាហាន នាយទាហានរង និងពលទាហានទាំងអស់ទៅពិនិត្យសុខភាពដោយឥតគិតថ្លៃ នៅមន្ទីពេទ្យព្រះកេតុមេលា រាជធានីភ្នំពេញ ។
នាយកដ្ឋានបញ្ជូនសារ ក្រសួងការពារជាតិ សូមថ្លែងអំណរអរគុណយ៉ាងជ្រាវជ្រៅចំពោះ ថ្នាក់ដឹកនាំ លោកវេជ្ជបណ្ឌិត គិលានុបដ្ឋាយិកា និងបុគ្គលិកគ្រប់ជាន់ថ្នាក់ ដែលកំពុងបម្រើការ នៅក្នុងមន្ទីពេទ្យព្រះកេតុមេលា ដែលបានយកចិត្តទុកដាក់និងសហការយ៉ាងល្អ ក្នុងដំណើរការពិនិត្យសុខភាពជូន ថ្នាក់ដឹកនាំ នាយទាហាន នាយទាហានរង និងពលទាហានទាំងអស់ ប្រព្រឹត្ដទៅយ៉ាងរលូន ប្រកបដោយបរិយាកាសសោមនស្សរីករាយ ។
