នៅថ្ងៃចន្ទ ៤កើត ខែចេត្រ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៨ ខែមេសា ឆ្នាំ២០១៩
នាយកដ្ឋានហិរញ្ញវត្ថុ នៃអគ្គនាយកដ្ឋានភស្ដុភារ-ហិរញ្ញវត្ថុ និងនាយកដ្ឋានបញ្ជូនសារ ក្រសួងការពារជាតិ បានរៀបចំពីធីទទួលទានអាហារសាមគ្គីរួមគ្នា ដើម្បីអបអរសាទរឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ពុទ្ធស័ករាជ ២៥៦៣ នៅភោជនីយដ្ឋាន ប៉ោកី ឆាយណាថោន ដោយមានការចូលរួមពីសំណាក់បងប្អូនបញ្ជូនសារ និងហិរញ្ញវត្ថុទូទាំងកងយោធពលខេមរភូមិន្ទ នៅក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ។
តាងនាម ឯកឧត្តម ឧត្តមសេនីយ៍ទោ កុសល សុវណ្ណវិសាល នាយក នាយកដ្ឋានបញ្ជូនសារ ក្រសួងការពារជាតិ និងនាយទាហានជាន់ខ្ពស់ទាំងអស់ក្នុងនាយកដ្ឋានបញ្ជាូនសារ ក្រសួងការពារជាតិ យើងខ្ញុំជាក្រុមការងារសូមប្រសិទ្ធិពរបរវសួស្តីគ្រប់ប្រការជូនដល់ថ្នាក់ដឹកនាំគ្រប់ជាន់ថ្នាក់នៃកងយោធពលខេមភូមិន្ទ ជាពិសេសបងប្អូនបញ្ជូនសារទូទាំងប្រទេស សូមអោយជួបតែសេចក្តី សុខសុភមង្គល សំបូរសប្បាយ អាយុវែង និងមានជីវភាពកាន់តែប្រសើរឡើងជារៀងរហូត ៕